Taij

Аж ахуйн нэгж байгуулах

no_email@coo.mn (guree1998) — Mon, 09 Apr 2012 15:37:00 +0800

Аж ахуйн нэгж байгуулж, улсын бүртгэлд бүртгүүлэхэд бүрдүүлэх бичиг баримт

Үүсгэн байгуулж буй аж ахуйн нэгжийн хариуцлагын хэлбэрээс шалтгаалахгүйгээр бүх төрлийн хариуцлагын хэлбэрийн аж ахуйн нэгжүүд доорхи материалуудыг нийтлэг бүрдүүлнэ.
Үүнд:

Нэрийн сонголтын баталгаажуулалт – Улсын бүртгэлийн албанд хандаж, өөрсдийн сонгосон оноосон нэр нь улсын хэмжээнд давхардаж буй эсэхийг шалгуулан, давхардаагүй тохиолдолд баталгаажуулна. Хэрэв давхардсан бол өөр онооосон нэрийн хувилбар гарган шалгуулна. Тусгай зөвшөөрөл шаардлагатай үйлдвэрлэл, үйлчилгээ эрхлэх бол холбогдох байгууллагаас авсан зөвшөөрөл – Аж ахуйн нэгжийн эрхлэх гэж буй үйлдвэрлэл, үйлчилгээ нь «Тусгай зөвшөөрөл шаардагдах үйлдвэрлэл, үйлчилгээ эрхлэх зөвшөөрлийн тухай хууль» -д тусгай зөвшөөрөл авахаар заасан бол хуульд заасны дагуу холбогдох байгууллагаас тусгай зөвшөөрөл авна. Тусгай зөвшөөрөл шаардагдах ажил үйлчилгээний төрөл, зөвшөөрөл олгох эрх бүхий байгууллага, албан тушаалтны нэр, утасны жагсаалтыг энэд хавсаргав. Улсын бүртгэлийн тэмдэгтийн хураамж төлсөн баримт – Аж ахуйн нэгж байрлах нутаг дэвсгэрийн орон нутгийн төсвийн орлогын дансанд «Тэмдэгтийн хураамжийн тухай хууль» -д заасны дагуу компани, нөхөрлөл 1ОООО төгрөг, хоршоо 6000 төгрөг, банк, даатгалын байгууллага 2ОООО төгрөг, улс төрийн нам, олон нийтийн байгууллага 1ОООО төгрөг тус тус тушаана. Эхлэлтийн тайлан тэнцэл – Аж ахуйн нэгжийг үүсгэн байгуулж буй хөрөнгийн нэр, төрлийг балансын дансдуудад харуулсан «эхлэлтийн тайлан тэнцэл» -ийг гаргана. Аж ахуйн нэгжийг үүсгэн байгуулах өргөдлийн маягт – Тус маягтыг Улсын бүртгэлийн албанаас авч, 2 хувь үйлдэнэ. Үүсгэн байгуулагчдын анкет – Анкетын маягтыг Улсын бүртгэлийн албанаас авч болох бөгөөд анкетанд зургаа наасан байна. Түүнчлэн анкетанд иргэний үнэмлэхний хуулбарыг хавсаргана. Байрны түрээсийн гэрээ – Аж ахуй нэгжийн оршин байрлаж буй хаягийг баталсан бичиг баримт болгож байрны түрээсийн гэрээг хавсаргана.

Түүнээс гадна: Үүсгэн байгуулж буй аж ахуйн нэгжийн хариуцлагын хэлбэрээс шалтгаалан дараахь материалуудыг нэмж бүрдүүлнэ.
Үүнд:

Хоршооны хувьд:

Бүх гишүүдийн хурлын протокол Хоршооны дүрэм

Нөхөрлөлийн хувьд:

Нотариатаар баталгаажуулсан үүсгэн байгуулах гэрээ / Нөхөрлөл компани тухай хуулийн 20-р зүйлийн 2 дахь хэсэг, 28-р зүйлийн 1 дэх хэсэгт заасны дагуу/ Гишүүдээс тухайн нөхөрлөлд оруулсан хөрөнгийн талаар холбогдох байгууллагаас гаргуулсан баталгаа.

Хязгаарлагдмал хариуцлагатай компанийн хувьд:

Үүсгэн байгуулсан тухай эрх бүхий байгууллагын шийдвэр Компанийн нотариатаар баталгаажуулсан дүрэм. /Компанийн тухай хуулийн 16-р зүйлд заасны дагуу/. Гишүүдээс тухайн компанид оруулсан хөрөнгийн талаар холбогдох байгууллагаас гаргуулсан баталгаа Дүрмийн санд хөрөнгө хүлээн авсан тухай гишүүдийн үйлдсэн акт Гадаадын хөрөнгө оруулалттай компанийн хувьд ГХОГХА-ын даргын тушаал болон сертификатын хуулбар

Хувьцаат компанийн хувьд:

Үүсгэн байгуулсан эрх бүхий байгууллагын шийдвэр ( тогтоол, портокол ) Хувьцааг нийтэд санал болгож худалдахыг зөвшөөрсөн Үнэт цаасны хорооны тогтоол Компанийн нотариатаар баталгаажуулсан дүрэм / Компанийн тухай хуулийн 16-р зүйлд заасны дагуу/. Хувьцааны төлбөрийг эд хөрөнгө болон оюуны өмчийг үнэлэх хэлбэрээр хийж байгаа бол эдгээр зүйлийн үнэн зөвийг тодорхойлсон шинжээчийн дүгнэлт Ерөнхий захирал болон төлөөлөн удирдах зөвлөлийн гишүүдийн анкет Хувьцааны захиалга дүрмийн сангийн төлөвлөсөн хэмжээгээр бүрэн хийгдсэн тухай хөрөнгийн биржийн тодорхойлолт. Хувьцааны тархалтын мэдээ. Хувьцааны төлбөр хийгдсэн баримт.

Төрийн (орон нутгийн) өмчит аж ахуйн тооцоот үйлдвэрийн газрын хувьд:

Үүсгэн байгуулсан эрх бүхий байгууллагын шийдвэр Эрх бүхий байгууллагаар батлагдсан дүрэм Иргэний гэрээний хуулбар

Ганц гишүүнтэй компани үүсгэн байгуулах баримт бичгийн жагсаалт

Өргөдлийн маягт /УБ-03/ бөглөж захирлын гарын үсгийн хэв маягийг нотариатаар гэрчлүүлэх Үүсгэн байгуулах хурлын шийдвэр Дүрэм Иргэний үнэмлэхний хуулбар Анкет Эхлэлтийн баланс Данс нээлгэх Хөрөнгийн нэр үнийн дүнтэй жагсаалт Хэрэв өөрийн мөнгийг бэлэн мөнгөөр хийж байгаа тохиолдолд дансанд төвлөрүүлэх Тэмдэгтийн хураамж 10000 төгрөг

Олон гишүүнтэй компани үүсгэн байгуулах баримт бичгийн жагсаалт

Өргөдлийн маягт /УБ-03/ бөглөж захирлын гарын үсгийн хэв маягийг нотариатаар гэрчлүүлэх Үүсгэн байгуулах хурлын тэмдэглэл Шийдвэр Дүрэм Иргэний үнэмлэхний хуулбар Анкет хүн тус бүр дээр Эхлэлтийн баланс Данс нээлгэх Хөрөнгийн нэр, үнийн дүнтэй жагсаалт Хэрэв өөрийн мөнгийг бэлэн мөнгөөр хийж байгаа тохиолдолд дансанд төвлөрүүлэх Тэмдэгтийн хураамж 10000 төгрөг

Хоршоо үүсгэн байгуулах баримт бичгийн жагсаалт

Өргөдлийн маягт /УБ-03/ бөглөж хоршооны даргын гарын үсгийн хэв маягийг нотариатаар гэрчлүүлэх Үүсгэн байгуулах хурлын тэмдэглэл, шийдвэр Дүрэм /хавсралтаар Зээл олгох журам, Хадгаламж авах журам, Эрдсийн сан байгуулах журам/ Үүсгэн байгуулагчдын овог нэр, иргэний үнэмлэх, регистрийн дугаар, хувь нийлүүлсэн хөрөнгийн дүн /биет төгрөгөөр/, оршин суух хаяг, утасны жагсаалт Анкет, иргэний үнэмлэхний хуулбар Эхлэлтийн баланс Данс нээлгэх Хувь нийлүүлсэн хөрөнгийн жагсаалт Хэрэв өөрийн мөнгийг бэлэн мөнгөөр хийж байгаа тохиолдолд дансанд төвлөрүүлэх Тэмдэгтийн хураамж 6000 төгрөг

ТӨРИЙН БУС БАЙГУУЛЛАГА, YЙЛДВЭРЧНИЙ БАЙГУУЛЛАГА, ШАШНЫ БАЙГУУЛЛАГА, ХЭВЛЭЛИЙН МЭДЭЭЛЛИЙН ХЭРЭГСЛИЙГ УЛСЫН БYРТГЭЛД БYРТГYYЛЭХЭД БҮРДҮҮЛЭХ МАТЕРИАЛ

Хууль зүй, дотоод хэргийн яаманд хандаж төрийн бус байгууллага, үйлдвэрчний байгууллага, шашны байгууллага, хэвлэлийн мэдээллийн хэрэгслийг улсын бүртгэлд бүртгүүлэхдээ дараахь материалыг бүрдүүлсэн байна.
Yvнд:

Баталсан маягтын дагуу гаргасан өргөдөл Хуулийн этгээд байгуулах тухай эрх бvхий байгууллагаас гаргасан шийдвэр Хуулийн этгээдийн дvрэм Yvсгэн байгуулагчаар гадаадын хуулийн этгээд оролцож байгаа бол уг хуулийн этгээдийн тухайн улс дахь улсын бvртгэлийн гэрчилгээний хуулбар/нотариатаар гэрчлvvлсэн/ Хуулийн этгээдийн нэрийг шалгуулж баталгаажуулсан баримт Тэмдэгтийн хураамж төлсөн баримт Хуульд заасан бол vvсгэн байгуулах гэрээ Хуулийн этгээдийн эзэмшиж буй тусгай зөвшөөрлийн хуулбар /радио, телевизийн долгионы зөвшөөрөл/

Шашны байгууллагын хувьд аймаг, нийслэлийн ИТХ-ын тогтоол.

Тэмдэгтийн хураамж төлөх данс:
Чингэлтэй дvvргийн татварын хэлтэс, Улаанбаатар банкны Чингэлтэйн салбар 21470010 тоот дансанд 10000 төгрөг /тэмдэгтийн хураамж/

Тэмдэгтийн хураамж тушаах дансны дугаарууд

Чингэлтэй дүүргийн татварын хэлтэс /Улаанбаатар банк -- 2611016627/ Хан-Уул дүүргийн татварын хэлтэс /Улаанбаатар банк -- 2603002523/ Сүхбаатар дүүргийн татварын хэлтэс /Улаанбаатар банк -- 2611016809/ Сонгинохайрхан дүүргийн татварын хэлтэс /Улаанбаатар банк -- 2601002819/ Баянгол дүүргийн татварын хэлтэс /Улаанбаатар банк -- 2602002965/ Баянзүрх дүүргийн татварын хэлтэс /Улаанбаатар банк -- 2609006065/ Нийслэлийн татварын газар /Улаанбаатар банк -- 2611038299/ ТТОХГ /Төрийн сан -- 900000701/

д/д	Аймаг, дүүрэг татварын хэлсийн нэр	Код	Холбоо барих утас(Хэлтэс, тасгаар)
д/д	Аймаг, дүүрэг татварын хэлсийн нэр	Код	Мэдээлэл	Хураалт	Хяналт	Бусад
1	Нийслэл		325116	310671	318759	310573
2	Хан-Уул дүүрэг		341394	341939	341959	343361
3	Баянзүрх дүүрэг		452928	450363	460335	319035
4	Сүхбаатар дүүрэг		312363	322203	326385	319035
5	Баянгол дүүрэг		363245	363123	369571	360665
6	Багануур дүүрэг	01-21	20151	21389	20989	22127
7	Налайх дүүрэг	01-23	22688	22383	22688	22793
8	Сонгинохайрхан дүүрэг		633287	633237	633243	633223
9	Чингэлтэй дүүрэг		318064	311026	311430	321233
10	Үндэсний Татварын Ерөнхий Газар		326197	312327	325712	312327

ҮНЭН ҮГЭНД ҮХЭР ӨШӨӨТЭЙ

no_email@coo.mn (guree1998) — Fri, 17 Feb 2012 16:51:00 +0800

TUSKA -giin blogoor zochlooroi. tuunii EAGLE TV talaar oguulsen bichleg olon humuusiin metgltseenii sedew bolood baigaag heleh ni zuitei baih.
Medeej olon hun metgeltsej baigaa ni enehuu sedew yah argagui hondoh sedew baisan gedgiig haruulj baigaa yum.
Hamgiin gol end TV tuhai oguulj baigaa bolohoos bus Hrist shashiniig shuumjlehiig gol bolgoogui yum. Daraah linkees uzne uu.

http://tuska.blog.banjig.net/post.php?blog_id=5659&post_id=96901#comment-0

ДӨРВӨН ЖИЛ ӨНГӨРЧЭЭ . . . САЙН УУ. BLOLMN

no_email@coo.mn (guree1998) — Wed, 07 Dec 2011 13:01:00 +0800

Сайн уу Блог минь. Тэртээ 4 жилийн өмнө блог нээж нэг хэсэг бичлэг идэвхтэй бичэж байсансан. Ажил төрөл өөрчлөгдөж, интернэт байхгүй болохоор саяханыг хүртэл үнэндээ тиймхэн байлаа. Найзууд минь одоо байгаа л байхдаа Блогтоо. tungaamaa, yuki, 300-н блог, lazulum, 7zurshil , bayasgalan, enkhjin, gereltuya гээд олон найзууд байсан. Нэг үе САНХҮҮГИЙН ЭРХ ЧӨЛӨӨ цуврал бичлэгүүдээ бичиж олон ч сэтгэгдэл урамын үг авсан. Харин одоо найзууддаа хэлэх үг надад байна. Найз нь тэр олон зорилго, мөрөөдлүүддээ бага ч атугай хүрсэн гэдгээ... Найзууд минь эргээд уулзацгаая. Блогтоо. Тэгээд би сониноо бичнэ. Их бий. . .

АЛТАНЫ ДЭРГЭДЭХ ГУУЛЬ ШАРЛАХУЙ

no_email@coo.mn (guree1998) — Fri, 12 Oct 2007 11:05:00 +0800

Би 1996-97 оны үед Заамарын нэгэн алтны компани захирал МУГ-т уурхайчин нэг нөхөрийн сонинд өгсөн өгүүллэгийг уншиж байсан юм.
Тэрээр Японы харъяанд автономит эрхтэй улс болоё. "Алтны дэргэдэх гууль шарлана" гэдэг Бар улсын дагавар улс болвол БАР улс болно гээд бичиж өгсөн байж билээ.
Тэр үед хариу болгож бичсэн зүйлий маань гар ноорог хувийн архиваа ухаж байхад минь гарч ирдэг юм байна.
Гэхдээ энд тэр бичлэгээ биш /жаахан улс төрийн өнгө аястай болсон байсан юм/ оруулах гэсэнгүй харин санаагаа баяжуулж хувь хүний санхүүгийн эрх чөлөөтэй холбож товчхон толилуулая.

7, АЛТАНЫ ДЭРГЭДЭХ ГУУЛЬ ШАРЛАДАГ Ч АЛТ БОЛДОГГҮЙ

2 жилийн өмнө танилтайгаа уулзлаа. Тэрээр гайгүй айлын /мөнгөтэй айлын/ охинтой сууна гэж ярьдаг байсан юм. тэрэндээ ч хүрч сайхан машинтай, дажгүй будмал хүүхэн хажуудаа суулгачихсан, зүгээрчгүй бас барилга бариулах газар хөөцөлдөж явна хэмээж байж билээ.
Яг л өмнөх бичлэг дээр зөвөлсөн шиг нөхөр маань шаргуу зүтгэж, тэвчээртэй хүлээсэний эцэст зорьсондоо хүрч гайгүй айлын охинтой суужээ. Тэр үед сүйхээтэй золиг вэ гэж бодоод өнгөрсөн дөө.
Саяхан нөгөө нөхөртэйгөө таарлаа, би ч мань хүнийг нэлээд томорсон байх гэтэл харин ярьдагаа яриад нээх их томорсон амьтан, гэтэл цаана л 2 жилийн өмнөхөөсөө өөдлөөгүй шинжтэй, тэгээд нэлээд суулаа, нөхөр халлаа, тэгээд нөхөр хамаг үнэнээ ярьсан даа.
Манай хүний хувьд буянтай сайхан эхнэртэй болж, буцгай юмтай айлын хүргэн болж, тэгээд хадамууд нь жаахан хөрөнгө тасдаж өгчил дээ.
Гэхдээ тэр жаахан гэдэг нь мань мэт сонсоход бузгай их тоо байна. Манай хүн ч өөрийн гэсэн хувийн юм эрхэлж, компани байгуулж, эхний үе ч нэлээд идэвхтэй гүйж, хүн амьтантай танилцаж, харьцах хүрээн ч өөр болж гэнэ.
Тэр цагаас хойш 1 жил болоход /2 жилийн өмнө/ олохоосоо алдах нь их байж, нөхөр ч, хадамуудан ч эхний жил байна, юм эхлэхэд шууд олоод эхлэнэ гэж юу байхав гэж тайвшруулждээ.
2 жил боллоо нөхөр бүр ч ихийг алдаж гэнэ. Хадам нь хаяа нэг хатуу үг хэлээд алдагдалыг нь хармаанаасаа нөхөж өгөөд жилийн тойрч.
Харин одоо манай нөхөрийн толгой дээр бүх юм бууж, түүнийг гэж санаж сарвайх, түүнд туслахыг хүсэгчид бүгд нүүр буруулжээ.
Тэгээд би "чи яагаад ийм байдалд орчихвоо" гэтэл нөхөр "найз нь өөрөө ч мэдэхгүй байна" гээд санаа алдаж билээ.
Миний ч хобби хөдлөж нөхөрөөр хамаг үнэнийг нь яриуллаа. нөхөрийг шинжлээ, эцэст нь түүнд би
"АЛТАНЫ ДЭРГЭДЭХ ГУУЛЬ ШАРЛАДАГ БОЛОХООС АЛТ БОЛДОЛГГҮЙ ЮМ" гэдэг өөрийнхөө алдарт онолоо хэллээ дээ.
Юу вэ гэвэл: Манай нөхөр өөрөө угаасаа бэлэн юманд дуртай хүн шүү дээ. Тэгээд л бэлэн юман дээрээ суусан хүн. Өөрөө ажлын туршлага байхгүй, ер нь өөрийнхөө төлөө гараа хөдлөгөж үзээгүй хүн л дээ. Гэтэл гэнэт их мөнгөтэй болж, тэрийг нь дагаад шинэ монгол чууд буюу хөрөнгөлөг давхрага руу шууд л үсрээд орчихгүй юу даа. Нөхөр нэг бизнес эрхэлдэг, гэтэл өөрөө хүн удирдах нь байтугай хүнээр удирдуулж үзээгүй хүн, бизнес хийх нь байтугай дэлгүүрээс өөрөө талхаа авч үзээгүй л шахуу хүн чинь ганц сурсан юм нь наргиж цэнгэх, нээх л сайхан мөнгөтэй нөхөр, ёстой л "гэнэт баяжигч" гэдэг шиг.
Тэгээд л тэр, тэр зүгээр л мөнгөтэй хүн байсан, тэгэхээс хэзээ ч тэр бизнесмэн, саятан байгаагүй. Өөрөөр хэлбэл тэр баян хадамын дэргэдэх баян царайлсан хүргэн нь байсан юм.
Би үнэндээ тэр үүнийгээ ойлгож байгаа гэж бодож байсан ч тэр юу ч ойлгоогүй байсан юм билээ, Надад "би бусдтай /бизнесийн хүрээний танилуудаа хэлсэн бололтой/ л адилхан ш дээ, гэтэл тэднийг аз дайраад намайг болохоор аянга нийргээд байх юм" гэж билээ.
Би түүнд өөрийнх нь байдлыг хэрхэн дүгнэж байгаагаа хэлээд, цаашид яах талаар багахан зөвөлгөө өгөөд салсан даа, харин аз болоход түүний сүүлийн 3 жилд ганц сурсан юм нь их боловсон болсон байсан нь намайг үгээ дуусгах боломж олгосон юм.
Тэр өдрөөс хойш бараг сарын дараа буюу уржигдар мань хүн надруу утасдаж байна. Тэгээд "би бараг нойлоосоо эхэлж байна, хадамууддаа өдий хүртэл дэмжиж байсанд баярлалаа гэж хэлээд хотын нөгөө захруу нүүж, гар утсаа сольж, эхнэртэйгээ жижигхэн үйлдвэрлэл эрхэлээд эхэлсэнээ" хэлж билээ.

Тэгээд "би алтны дэргэдэх гууль байсан юм байна, одоо би өөрөө алт болохын төлөө үзнэ, харин чи миний тухай ямар нэгэн юм бичээрэй" гэж билээ.
Найздаа амжилт хүсэе. Бас үүнийг уншигч танд ч гэсэн амжилт хүсэе.

ЗАЛУУСАА АЛТНЫ ДЭРГЭДЭХ ГУУЛЬ ШАРЛАДАГ БОЛОХООС АЛТ БОЛДОГГҮЙ ЮМ ШҮҮ.
АЛТ БОЛОХЫН ТӨЛӨӨ УРАГШАА.

ШАНТАРАХГҮЙ ЗҮТЭГЦГЭЭ

no_email@coo.mn (guree1998) — Fri, 12 Oct 2007 22:29:00 +0800

6. ШАНТРАХГҮЙ БАЙХ НЬ АМЖИЛТЫН ҮНДЭС

Нэгэн саятан анх ажилд орохоор нэгэн компанид очжээ.
Цаад компани захирал нь түүнийг доромжилж арван жилийн дараа ирвэл ажилд авч болох юм гэхэд нь
Ирэдүйн саятан маань : Тэгье, харин хэдэн цагт ирэх вэ гэж асуусан гэдэг
Тэрээр хожим нь сая сая долларын хөрөнгөтэй алдартан болсоныхоо дараа
"Бизнесмэн хүн яг л шуудангийн марк шиг байх ёстой, Зорилгодоо хүрсэн бол салахын аргагүй наалдах хэрэгтэй" гэж ярьжээ.

Үүнийг бичихийн учир юу вэ?
Бидэнд нэгэн зуршил гэх үү, муу зан гэх, нэг тийм зан байдаг, тэр бол Бид
1, Өмнө зорилго тавьж чаддагүй /би мөнгө хуримтлуулж чадна гэсэн зорилго байж болно/
2, Чадлаа ч түүндээ хүрэхийн төлөө махран зүтгэж чаддагүй /зорилгоо тавьсан ч цагаа тулахаар хуримтлуулж чаддагүй/
3, Нөгөө хэсэг нь махран зүтгэж байгаад зорилгодоо хүрэхээсээ өмнө сэтгэл хандаг /цуглуулж байсанаа нэг л өдөр дансаа хоослоод түүгээрээ машин аваад унчихдаг/
4, Цөөхөн хэсэг нь зориод, түүндээ хүрдэг /тэд сая саяаар нь олдог болдог/

Та аль хэсэгт нь хамаарах вэ? Магадгүй та эхний юм уу хоёрдох тэмпийн хүн байж болох боловч энэ та 4, үгүйдээ 3 дах тэмпийн хүн болож чадахгүй гэсэн үг биш юм.

Энд нэг зүйр үг байна. "Сурсан юмыг сураар боож болохгүй" гэж.
Энэ үгийг ихэнх маань буруу ойлгодог, монголчууд буруу ярьж зөв ойлгодог ард түмэн гэдэг, бас үгэн дотор үг байдаг гэж, бид үүнийг шууд тусгаж авдаг
Жишээ нь Манай нэг найз өөрийнх нь алдааг хэлэхээр Сурсан юмыг сураар боож болдоггүй юм гэж өөрийгөө өмгөөлдөг
Гэтэл үнэн хэрэгтэй тэр "Сур сур бас дахин сур" гэсэн үг байдгыг мартсан юм.
Бид муу зуршлыг сурч болсон бол бас сайн зуршлыг сурч болно. /энд би сурах гэдэг үгийг танин мэдэхүйн, төлөвшөхүйн бүх хэлбэрийг илэрхийлж байна/
Тэгэхээр бид ямар нэгэн муу дадал зуршилтай /мөнгийг гарын салаагаар урсгадаг гэх мэт/ бол түүний яг эсрэг хувилбарыг сонгож аваад түүнийг сурах нь зөв юм.
Мэдээж суралцах арга олон янз үүнийг та л мэднэ, гэхдээ хамгийн үр дүнтэй арга бол 9/1, 8/2, 7/3 . . . 0/10 шүүдээ. энэ юу гэсэн үг вэ гэвэл бага багаар сурах, дадлагжих, өөрдөө рефлекс тогтоох арга юм.
/бараг л өөрийн мэдэлгүй цалингаасаа цааш нь хийдэг болох хэрэгтэй/

Жишээ нь та ямар нэгэн уран зохиолын номыг бүрэн уншиж төвдөлгүй эхлүүлээд хаядаг, нэг бол шууд сүүлийн 10 хуудсыг уншдаг бол яг одооноос богино хэмжээний өгүүлэг, гэхдээ харилцан яриа, логик уялдаа холбоотой бага хэмжээний зүйлүүдийг уншиж эхэл, аажмаар зохиолын хэмжээг өргөсгөх хэрэгтэй. Нэг л өдөр та бүхэл бүтэн романыг дуустал нь уншдаг болчихсон байх вий.

Ингээд миний хэлэх гэсэн санааг ойлгосон байх гэж найдаж байна, магадгүй танд санал байвал сэтгэгдэлээ үлдээгээрэй.

ЗАЛУУСАА     "СУР СУР БАС ДАХИН СУР,
                            СУРСАН ЮМЫГ ЧИНЬ СУРААР БООЖ БОЛОХГҮЙ ЮМ ЧИНЬ
                            ХЭРЭГ БОЛЖ Л ТААРАА"

АМЖИЛТ ХҮСЬЕ

ДЭЛХИЙН ЭНЕРГИЙН ТӨВ

no_email@coo.mn (guree1998) — Tue, 31 Jul 2007 11:23:00 +0800

Аяны дөрөө мултлахуй булангын энэ удаагийн дугаартаа та бүхэнд нэгэн сонин содонг дуулгахыг хүслээ.

Дорноговь аймгийн төвөөс урагш 50 орчим километрт Говийн догшин ноён хутагт Данзанравжаагийн байгуулсан Хамарын хийд бий. Энэ газар мөн дэлхийн энергийн төв гэгддэг. Миний бодлоор соронзон талбайн идэвхтэй үйлчлэл бүхий газар юм.

Ийм газар дэлхий дээр одоогоор мэдэгдээд байгаа нь 3 бий гэнэ. Үнэхээр энэ газар ирэхээр сэтгэл дагаад ч тэр үү, Шамбалын оронд ирэх шиг санагдаж байсаныг нуух юун.

БАЯРЛАЛАА

no_email@coo.mn (guree1998) — Tue, 31 Jul 2007 10:56:00 +0800

Өчигдөр үнэхээр гол харлам өдөр байлаа. Би хэрэгтэй файлуудаа устгачихсан. Бүр хардаа форматлаад хаячихсаныг хэлэхүү.

Уул нь надад Undelete төрлийн програмууд байгаа ч форматлсаны дараа түүнд найдах ч хэрэггүй байсан юм. Харин нь Hard disk data recovery хийдэг тэгэхдээ үнэгүй програмууд хэрэгтэй байлаа. Үнэндээ Freedownload уудад дандаа Демо хувилбарууд байх юм. Бөөн ажил болж скан хийгээд сэргээх гэхээр актив хийх гээд . . . Надад кракдсан, патч хийсэн програмууд хэрэгтэй байдаг, нэг бол хамгийн багаар бодоход 49,0 ам.доллар тэгээд бас олон улсын төлбөрийн карт хэрэгтэй байдаг. Гэтэл надад тэр нь байдаггүй.

Бүр ядаж байхад интернэт ажиллахгүй болчихсон байдаг. Ёстой л . . . ингээд ажлаасаа гарч гүйгээд хамгийн ойрын нэтээс блогтоо орлоо. Туслаарай гээд л . . .

Гэтэл тун удалгүй Юуки, Баясаглан 2 надад хэрэгтэй програмуудыг маань олоод линкийг нь өгөөд л, э-майлаар аттачлаад л . . .

Тэгээд цааш нь ойлгомжтой одоо хүртэл хэрэгтэй файлуудаа сэргээж байна.

Та нартаа баярлалаа.

Харин одоо таньд надад тохиолдсон бэрхээл тохиолдох юм бол дараах програмуудыг ашиглаарай.

Үүнд:

1.Recover My Files /Миний файлыг буцаагаад өгөөч гэж байгаа юм шиг/

http://dl.p30download.com/recovery/Recovery_My_Files_3.98.5077-%5Bp30download.com%5D6zip

http://dl.p30download.com/recovery/Recovery_My_Files_3.98.5077_serial-%5Bp30download.com%5D6zip

password; www.p30download.com

2. Easy recovery files

Үүнийг би удахгүй аль нэг сайт дээр уплоад хийгээд тавьчихнаа. Болно биздээ Юуки /Юуки өгсөн юм аа/

Та нартаа амжилт хүсэе.

TUSLAARAI

no_email@coo.mn (guree1998) — Mon, 30 Jul 2007 16:12:00 +0800

(Энэ хязгаарлалтын тохиргоотой бичлэг байна. Зөвхөн унших эрхтэй хүмүүс л нэвтэрч блогоос нь унших боломжтой...)

САЙНШАНД БУЮУ ҮДЭШИЙН ХОТ

no_email@coo.mn (guree1998) — Wed, 27 Jun 2007 13:36:00 +0800

Бид баруун өмнийг барин давихсаар байлаа. Тиймдээ ч тэрүү улам халуун болсоор, Дорнодоос авч гарсан 2 хайрцаг ус маань бараг дуусах тийшээгээ хандаж байлаа.

Гэтэл ашгүй Дорноговь аймгийн төв Сайншанд хотод ирэв.

Авсаархан, бас цэвэрхэн хот ажээ. Миний хувьд Сайншанд хотыг ингэж л дүгнэсэн. Үнэхээр цэвэрхэн байсан гэдгийг хэлэх хэрэгтэй байх. Харин өдрийн цагаар гудамжинд нутгийн хүмүүс их ховор байна. Гэтэл нар бууж бүрэнхий болохын үед гудамж талбайд 8 настай балчираасаа 80 настай буурлууд нь ёстой л хөлтөй нь холхиж, хөлгүй нь мөлхөнө гэгчээр багширч байна.
Арга ч үгүй биз ийм халуун газар өдрийн цагаар байшингаасаа гарна гэдэг хэцүү л байх.

Бид "Дорнын говь" хэмээх жуулчны баазад буух ёстой байлаа. Жуулчны бааз гэхээр л Тэрэлж бодогдоод, гэтэл юу вэ? юун тэрэлж вэ? Сайншандаас 14 км давхиад жуулчны баазад иртэл ёстой л говь ийм байдаг юм гэмээр үнэхээр л говийн жуулчны бааз байна. Манайхан ч машинаас буув уу үгүй юу усанд орох газар сураглаж гүйлдээ, нэг мэдэхэд барагтай дэлгүүрт байхгүй очер усны газрын үүдэнд үүсэн байх юм. Биднээ түрүүлээд 3 н ч пургон дүүрэн хүмүүс явсан бүгд л хөлс нь цувсан улс пүү паа яаж байдаг байна гээд дээрээс нь нар буусан аятай аахилж суух юм.

За нэг иймэрхүү, дараагийн бичлэгээс Дэлхийн энергийн төвөөр аялсан тухай зурагтай хөрөгтэй нь бичнээ.

ХӨДӨӨ ХӨГЖИЖ БАЙНА

no_email@coo.mn (guree1998) — Tue, 19 Jun 2007 17:19:00 +0800

Бидний явсан газар бүр тийм ч харамсмаар байсангүй, бид зам муу мэдэх учир нэг замаар баруун өмнө зүгийг барин давхиж байлаа.
Бүртийх айл алга, гэтэл гэнэт бөөн хогон дунд ороод ирэв, үнэнийг хэлэхэд хог хараад шууд л энэ урд гүвээг даваад энэ хогийг хаясан гайхалуудтай нүүр тулна даа гэж бодлоо.
Би эндүүрсэнгүй үнэхээр гүвээний цаана Баяндэлгэр сумын төв байна.
Хөдөөгийн энэ жижиг суурин хөгжиж байгаа юм байна.
Бидэнтэй явсан нөхдүүд Хэнтийнхэн Улаанбаатар ирж очих Дорнодыхоны буянаар, Сүхбаатарыхан Эрээн ирж очих Дорнодыхоны буянаар гайгүй хөгжиж байгаа гэж байна.
Үнэндээ энэ үнэний ортой гэдгийг нутгийн цайны газарт сууж буй эрхэм ч нотлов.
Энэ сумын төвөөр Эрээн орж бараа татсан Дорнодыхон өдөр шөнөгүй холихдог юм байна.
Сумын төв сайхан сайхан барилгууд баригдаж, баар кафе, зочид будал нээгдэж, жижиг мухлагаас бөөн төв хүртэл байгуулагджээ.
Сумын захиргаа нь хоёр давхар сонгогдог загварын байшин байх бөгөөд Монгол улсын төрийн далбаа ихэмсэгээр намирах нь энэ тосгон удахгүй их замын их хот болно гэх шиг харагдлаа.
Баяндэлгэр чүүд ажилсаг улс юм байна гэж бий бодсон, надтай хамт явсан нөхөд маань ч тэгэж үнэлсэн байх.
Энэ сум хуучин улаан ямаагаараа алдартай, одоо ч алдартай, эндээс Монгол орны өнцөг булан бүррүү Баяндэлгэрийн улаан ямааг зөөдөг. Улаан энэ нутгийн брэнд гэж хэлж болно.
Баяндэлгэр баяжиж байна.